今日想談談金市
先利益申報: 手持金市淡倉!
呢幾天坊間討論金市見底, 中印民眾搶金攻防戰.....
定一定神, 先分析好淡數據.
好友方面:
1. 金市係傳統避險工具, 現時市面上可提供選擇的避險工具不多 (不計債券)
2. 日本QE, 各國量寬追逐下的資產推升
3. 採金成本價為1300, 鐵底
4. 中印民眾瘋狂搶金搶金幣掃貨
淡友方面
1. 圖表上穿晒1550大底, 先1321第一個底後抽升, 升唔穿1500點/ 1550點, 勢頭各下
2. 美國ETF/ 摩通繼續減持黃金庫存
3. QE將完, 憧憬美國經濟向好, 及量寬退市.
首先美國係金市操控者, 3次QE後推高金市上1800見大頂後, 今日議息
聲明可能進一步提及退市安排, 隨後的經濟數據也可能係失業率同通脹
呢2個重要數據同金市升趺掛勾.
我自己有一個好強烈的感覺係....
當個市第一次趺果陣, 好多老散出黎接貨, 個市反彈到一定水平後.
傳媒/ 分析員幫忙唱好, 不過呢排購買力完結後, 大戶繼續派貨, 派穿
上一個底後, 繼續下跌, 分析再出黎唱淡, 最後大戶係底部買番貨.
今次老散代入為市民/ 各國央行
大戶- 美資
當然金市分析比一般更為複雜, 事關金市自古以來市場的地位.
係金本位之前如同一隻貨幣, 應該講甚至比貨幣更可信
做淡金市主要都係賭一個方向
美國收水, 美元轉強, 所有靠QE推高出黎的資產全部還原.
今年自己倉位2013年第一關YEN過左關
踏入5月賭第二關 - 長淡金市.
沒有留言:
張貼留言