托指數?

呢2日個市感覺似托指數, 沽其他板塊, 事關好多近日熱炒股票
相繼回落, 太陽能如是, 而且盈警地雷, 股票趁高抽水開始發生.

再者, 最細價莊股有起動之勢, 仙仙毫毫股似接力最後一棒.
手上都沽左好多股仔, 改投此類股仔懷抱.
不過都唔公開開名, 一黎此類股票要嚴守止蝕, 二黎多人買個莊唔開車..
所以都係講一d 大路股票..

新股時計寶應該熱爆...
初步試試用 540, 1232, 同 1348 計飛.
540 中飛率有2.X%
1232中飛率有差不多5%
SIZE - 1348 最細, 超額爆晒做1%

時計寶中飛率希望有1.5%, 話晒今次都落本抽飛.

人生第一次供股 - 1383 鴻隆

玩左股票差不多十年, 第一次仲要係買857係1.5 ...
第一次撞板既上年係博士蛙, 仲要係爆保果日買...今時今日仲停埋...

今次係第一次供股.
玩晒成個供股過程...埋單....有錢賺Bo..
講下成個流程同心路歷程先.
實踐係驗正真理既不二法門.......

事關之前買落1383, 正確個名係叫太陽世紀, 不過叫慣鴻隆...
當時1.5買左5萬股, 供股價 $0.25 1供6, 呢隻莊家仲要冇威士玩, 只係供同唔供兩個選擇.
其實果刻已經覺得上左賊船, 除權果日因為貨疏炒上...
除權價得番0.4毫仔...
本來由1.5 X 50000 = 75000蚊, 大幅攤薄得番0.4 既20000股同 30萬股威士.
除權果日拿拿臨高開0.7走晒果50000股, 收番3萬5....
秒殺左40000蚊...
不過果日炒到上最高$1.1

之後30萬威士照供, 比多75000蚊玩多鋪...
係確實完供股後, 隻股居然冇受地心吸力影響...
個莊托住叫企住係0.6毫字......

今日係正式供股後新股可買賣第一日, 競價盤 0.43走晒果300K貨....
其實個莊可以炒低落閘放狗, 今次真係係任人玩既情況執番身彩.

原因可能因為只有一半老散有供股, 事實數字可能仲少.
因為果一半仲可能不少係佢地同船人.

計一計數.
投入: 股 75000 + 威士75000 = $150000
平倉:  舊股35000 + 威士後新股129000 = $164000
賺 $14000 ...
呢萬四股真正係大戶個口袋博番黎的...


最近個股, 博得過板塊係殼股/ 太陽股/ 仲有D 4,5,6線股仔...
托指數下個市陰陽怪氣, 高位有唔細阻力, 941先行唔掂....

新股重注時計寶..........

一念天堂(700), 一念地獄(941)

一念天堂(700), 一念地獄(941)

炒左咁多日股仔, 個市開始細價股有回氣現象.
今日試入多隻#712, 也算是風險較高的板塊, 不過難得強勢股回落...
今日3800, 712都企係10天線收市, 希望可以企穩再上沖.

700/941估唔到走兩極化, 一個消息開放民營電訊商, 941趺左成3蚊, 700
升左成10蚊, 真係估唔到結果係咁....
當時出中移傳傾掂IPHONE的消息炒唔起都有暗湧, 現家結果做對沖咁...
食唔到一炮人雙響有點不甘...
不過941依舊睇好

大市一日仲係陰陰跌引人沽, 其實每日都創緊新高....
呢D市少D定力都唔得...


金價又可以開沽了!!!!  1773

追落後!

追落後呢個TOPIC其實用得唔好, 呢D市仲邊有落後呀?
落後就係4,5線股, 不過4,5線股板塊買錯真係可以唔郁, 同埋相對短癮.

呢D市都係旺股等運到, #6030 趁回調買入, 渣埋隻#362...
#16 好倉順利食胡, 仲等埋隻#700...

追落後既意思係追左941 CALL, 雖然係高位追入有點不智, 不過
藍籌升到差不多欠941同700有明顯升幅, 個市真係要推高上24000點係
靠隻#941...

追落後第2選係道指好倉, 道指1月份叫原地踏步,
13342渣好倉, 也博道指上高位追落後...

暫時, 仲未到炒垃圾階段!!!

812億成交 - 各板塊瘋炒!

今日個市開始由指數股全面流入各板塊, 係A股強勢都要抖抖情況下,
龍頭#388始終最強, #6030, 內銀抖抖下,
到內保, 香港地產股接力, 隻#16終於肯行啦....
睇黎恆指會輪流由落後股頂住指數, 慢慢升 ....
一日唔穿大陽燭底唔駛走貨住...

2,3,3線真係愈炒愈精彩, 太陽能隻#712, 炒友密密玩隻#493,
仲有好多隻大陽燭接大陽燭既股票, 我自己玩法係走甩左當睇少隻...
今日沽左隻#1262/ 同倉底買左好耐隻#535星獅....

暫時貨炒貨轉, 隻股成交一縮轉第2隻, 夠20%又轉第2隻...
所以要睇實好多股...

暫時會睇實仲未點開始炒既航空/ 核電股....
同埋仲未開波既4,5,6線莊股.......#166, #271, #

油已食好倉, 金價PUT倉本來止賺左, 上星期五手多係1638點又沽番,
又要捱價....

暫時咁好玩, 應該玩埋呢轉金油, 停一排先, 寧願KEEP錢抽新股...

2013 一月部署

果然經2012年尾打底後, 2013年第一個交易日開左支大陽燭,
係呢支600百幾點既大陽燭基礎不被破壞下, 策略已經由逄低買進
向好倉為追買...
焦點依舊係龍頭388, 香港地產股同#700...同埋A50 ...

個別股仔有#1262 等等.....

1月好倉底 ...