日股/YEN - 大奇蹟日!

細細個睇大時代, 咩叫大奇蹟日!
港股幾年前我覺得試過一次, 當時2萬點插一千點到19000邊, 即日升番
1000點見底, 再之後傳港股直通車上牛3見32000....

今日日股先趺200點, 挾腰倒升300點, 日經期指現家仲做緊接近13000點....
單日升5百幾點...
YEN仲誇張, 由92.5 趺到96蚊....

雖然我今日要返工, 一路開會一路睇住YEN趺, 真係開心到叫出黎!
道指今日一早平倉食左...
期金近1555位都平埋...
期油本來想渣長D, 又係忍唔住3蚊既賺價平倉, 結果今晚果2蚊食唔到....

聽日AO會平左張期子淡倉, 呢D市應該跌唔得去邊...
暫時只係渣住YEN淡倉, 博見100水平........

雖然渣住YEN淡倉, 不過如果自己係日本人都幾無奈, 身家既購買力可以
一日唔見5%, 更唔講做生意幣值唔穩定既影響...
突然想起聯匯既好處!!!!!!