立法會選舉!

下禮拜就係立法會選舉.
D政治抺黑, 國民教育, 政改, 領匯上市通通拿出黎講...

今日都唔係想寫政治, 只係寫下D政黨部署, 有時睇人派牌擺棋.
都可以有點端倪. 政黨如是, 股市如是.

政府弱勢加上所謂既龍頭民主黨內憂外患, 睇黎民建聯同民主黨都係
咬老本守勢, 也推動其他政黨擴大版圖.

1) 人民力量
今屆應該都係所謂既激進民主派集天時地利人和, 人民力量版圖都
唔敢過港島, 九西唔知拎唔拎到2席呢, 其他區博一席

2) 公民黨
公民黨都好進取, 派大將余若微空降新西, 仲要擺第2名, 我諗佢呢招真係
打亂新西各政黨部署, 民建聯三頭馬車, 白鴒2公婆全部D如意算盤冇晒...
呢一著真係好似呂布打三英一樣, 唔駛任何莊腳下吸晒2席...
低成本高回報...絕..
港島陳淑莊好似比人棄棋一樣, 佢擺大頭實有一席, 現家有點棄車保車之感.
畢竟港島亂到呢...

3) 工聯會
今屆票后重出江湖, 都係睇準天時地利人和, 而且擺棋入港島..
其實佢個定位幾著數, 建制派, 又有成個工人基礎, 加上打住
為基層發聲既旗號....
大舉出兵睇下收穫如何..

民主黨真係有點咬老本之感, 昏氣暮暮, 今屆真係唔多睇好.
同一票源定位下, 實比溫和民主派, 激進民主派爪分票源...

今屆自己係新西區, 目標不離公民黨, 太多似是而非之徒了...