另類 ~ 波馬縱橫!

呢個WEEKEND輕鬆D, 講下D足球同賽馬.
首先利益申報下先, 我係長期輸比馬會的, 所以跟我對賭, 應該嬴面不小.
不過我都講下我買波買馬之前做既STEP.

<足球>
其實我本身好小賭波, 通常都係有馬嬴戶口有錢玩小小, 不過基本上又係要做功課.
1)當然啦, 要睇主場/作客賽績, 對賽往績, 賽程...
2)跟住要分析兩隊人腳, 比如今日熱刺對利記, 熱刺主場佳, 利記作客腳軟, 再加上熱刺
條中前線人腳同車仔都有得揮, 咁就熱刺點都要買多少.
3)好啦, 跟住要睇賠率合唔合理, 有冇不合理高水/低水, 事關賭錢講求值博率.
馬會成班精算師同埋夾晒出面D盤, 點會咁易比您地偷到雞....
4)跟住, 最最重要果樣, 都係一般散戶輸錢既原因(包括我!), 就係買法.
買過關/ 定係主客和/ 抑或波膽, 呢個時候好容易同值博率有沖突...
到最後, 究竟買張飛係嬴面最大OR賠率最大呢!? ...
5) 馬會驚死您唔玩咁, 仲有走地盤.

<賽馬>
小弟比較鐘意玩既一種, 不過仲難玩!
簡單D講, 就係一場馬有14個練馬師比14個策騎指示比個騎師騎住14個馬主養既14隻馬.
先唔講咩做馬, 去唔去馬果D情況, 真係一匹馬要跑出, "應該"唔係咁易操控!?
而且有讓磅制, 高分馬同一場要讓低馬分磅, 某程度上拉近勝負分野, 比較有"公平"既賽果
好啦, 馬仔又係要研究一番.
1) 馬仔操練/狀態...(呢D唔識)
2) 又係往績, 騎練配搭, 人馬合拍, 路程.
3) 檔位, 磅位, 馬房手影.
4) 賠率/買法.
5) 如果玩即日既, 又係睇下大戶落啡格飛, 馬房攻勢, 騎師手氣旺.
都係老曹果句 - 有智慧不如趨勢!

講左咁耐, 都係想講, 雖然賭錢, 其實都要做好多功課ga!
有時候D女仔對大家既男朋友/ 老公/ 老豆, 真係唔係睇佢地既表面, 其實佢地做RESEARCH
不下於大家淘淘淘果陣既passion, 如果將呢番心力放係工作/ 投資上, 可能有一個
馬雲/ 王傳福/ 郎咸平係妳地身邊..
WEI, 寫寫下為自己賭錢呢個投機行為帶黎合理化既藉口, 小賭怡情!
再帶出最後一個結論, 大家買果百幾, 幾百蚊既賭博娛樂, 尚且做咁多資料搜集, 如果係
幾萬蚊, 幾十幾球野果陣, 會唔會有時候大家做決定仲草率左呢 !?

聽日應該都抖抖唔做TRADE住.