8月8日-股災乎?

執筆老美又趺350點, 個港股只穿左21500大位後, 下移阻力位.
按10600-25000點大浪計.
0.382 = 19500
0.5     = 17800
0.618 = 16101

第一站睇19500, 不過個市挾得咁甘, 小許反彈都做唔成.
今日減左D正股, 渣番D CASH 係手.
呢D市持盈保泰為上算.

今個禮拜消息滿天飛, 聽日香港賣地, 內地出CPI, 老美聽晚議息加會後聲明.
應該個市星期3會彈一彈.

8月5日 - 大趺市

呢次大跌市真係走唔切, 老實講老美連趺咁多日, 博佢彈1,2日黎執倉都冇時間.
7月時全PUT型的倉又比個市彈上22000止賺左.
現在個倉都要諗諗計.

正股: 減左D短炒貨, 增持番D CASH 先
OPTION: 開始要準備"去槓桿化", LEVERAGE比例要降低番...
期指: 準備開倉HEDGE住個OPTION倉
狗股倉: 維持每月入一隻狗股, 起碼大市回升, 有狗股倉領軍.

星期5又係出差澳門, 雖然個市跌成千點, 不過澳門仲係人頭湧湧, 好不熱鬧.
港股基調又唔差, #13出左業績都可以趺7蚊, 誇張!

8月3日- 狗股倉

今日用$1.03買入#208保利達, 以建立一個一年的倉位.

#208作為澳門最大的地主, 最近上星期5過澳門, 睇到一個規模龐大的新盤, 伴著一個
5星級的會所, 面向逑仔的大海景, 令我諗起呢隻九建仔.
高土地儲備, 澳門比香港更寸金呎土, 您問我呢個時候買濠賭股OR濠產股, 我始終覺得澳門
唔會無至境咁開賭場, 基本上已經開始增長放緩, PE成20幾倍, 我寧願買隻40幾億市值, 渣住D資產淨值起碼計2個半以上, 仲未計石油及傳統冷制業務..
手持現金3億幾, 呢幾年隻股票都冇咩點印銀紙.
股價由高位$1.4趺到差不多1蚊邊, 投資投機價值浮現.

STOCK		日期	買入價
#208	保利達	1-Aug-11	$1.03

8月2日 - 臨界點

聽日終於返公司了, 睇黎聽日都應該幾忙下, 狗股明天買入吧.

今日不談市況, 事關美債結果市場可以當好消息OR壞消息去炒.

今日談談臨界點吧, 俗稱破位, 可以指向上或向下.
當然不論老手新手, 每人用自己一套理論來定止蝕止賺位, 市場效應下漸漸形成一個趨勢,
羊群效應下隨成交突破後追入/沽出.
而大部份的理論如黃金比率, 陰陽燭, MA, MACD, 趨勢線, 再加上盤路, 感受到呢個臨界點係靠不斷的實戰中累積.
呢一個臨界點突破係依靠之前的數據分析, 簡單D講係"滯後數據", 用呢個MOMENTUM睇下有冇新D資金見到呢個SIGNAL的出現而追入/沽出, 直至開始成交不配合下, 即為背馳出現.

講咁多都係講搵臨界點係一門學門, 市場愈黎愈多假突破, 之後的PLANNING都好決定個短炒係嬴定輸, 當然有時市況相就, 錯左高追都可以繼續賺錢, 不過有時呢D潛意識係會好影響下次的買賣決定, 買賣決定變得遲疑/貪婪/或過份自信.
最後一句 - 定下止賺位/ 止蝕位的重要性.............

8月1日 - 6窮7絕8反身?

踏入8月第一日交易日, 究竟8月是否反身月?
美國國債似有突破, 另外8月踏入業績期.
個股維持強者愈強, 弱者愈弱格局, 始終炒股要有勢.


呢D市兩邊都唔似出現大方向, 一黎市況冇水, 炒上有難度, 資金只夠錢追逐強勢板塊.
下望又唔見有幾多水位, 畢竟全世界仲賭緊人民幣升值, H股仲唔係賭呢個方向
既最佳投資產品...

高風險下的人民幣升值股首推內房股.
8月9日龍頭#688出業績, 睇下資金會唔會追入呢一個板塊?
限購令 ? 志不在此.
壞消息出盡下所有內房股都係52週高位等破位.
人民幣對美元已經見6.436高位了, 有需要加注了!