全球最殘的股票

我諗開得咁既TOPIC, 夠膽叫全球最殘的股票.
睇下大家覺得岩唔岩..
今日講下美股ADR ... 希臘銀行股.

首先兩個大前題, 第一要有全輸既準備, 第二要有近一年的坐功.
不過係希望鋪十番牌.

希臘銀行有4大國有銀行
1. NBG
2. EGFEY
3. ALBKY
4. BPIRY
牌面上本來NBG最值博, 上2個月希臘政府曾經短暫
不淮沽空銀行股, 當時NBG由0.45升到接近1蚊.
不過因為大前提係唔夠流動資金, 同歐洲央行基本上做左一次核數.
每一間銀行大概需要央行注多少流動資金.
經過公投, 希臘傾脫歐呢一年斷斷續續既政客騷 ( 感覺幾相識), 銀行股
基本上趺足9成, 是否可以買呢?
取決於希臘政府想唔想銀行股死, 之前有冰島先例, 先死後生.
不過歐央行某程度唔想希臘銀行股死, 此其一.
其次, 打個比喻, EGFEY 只係市值2億美金, 已經有足夠值博率.
雖EGFEY係OTC MARKET, 不過諷刺係小弟最成功一隻代表作,
就係OTC MARKET 既FNMA....當時1.35買, 接近4蚊沽走.
所以OTC係冇咁流動性, 總比香港8XXX好

不過NBG都有香港莊家既影子, 0.02 發行150B 發行量股票, (本身得30B)
大幅大幅溝淡股東權益, 極度PK, 買NBG最好等呢堆股上板先玩.

暫時手持上狙賊船的NBG, 同EGFEY.....
買左有全輸的打算..

下期講美滙升穿100, 迎接12月加息的預幕

牛熊街貨量既反思

長久以來, 渣住牛熊街貨量多少某程度反映後市殺牛/ 殺熊誘因.
近1,2次比較有點失靈.

先講散戶心態(包括我), 未日牛熊的魔力係極大槓杆, 而且有自動打把系統.
打個比喻...0.015 買5球貨, 共75000蚊.
如果做張大期都唔夠按金, 對番貨值第於十張大期過1球野.
轉角難捉, 從來真正底部又急又DEEP V 急彈, 甚至裂口完成.
更甚往往愈扯高/扯低, 散戶鍾意博轉角, 成日做錯勢, 進貢大戶.

上禮拜2次, 極巨牛區22200-22300, 兩次唔做落借勢做相反
第一次借深港通舊聞抽高700點見23000
第2次借MSCI換入香港指數(其實前一日先講買
ADR, 沽內銀內保), 市場兩次雙日轉向.
隱隱感覺到大戶開始拎牛熊盤紙再捉路, 玩開牛熊兄弟要小心點
雖星期五晚有巴黎恐襲, 結果都插穿巨牛區, 正式失守22200頸線.
正路港股尋底之旅.

個股方面, 港股1108洛玻終於有國企改革消息, 不過股價唔多行.
另外, 今日再追入1970 IMAX, 大中華娛樂股.
同愛股2669中海物業 ... 呢2隻PE過30倍.
不過平野冇好, 好野冇平
1. 一隻IMAX中國
食中國電影業既黃金時代 ... 始終太唔敢買馬雲既1060,
徐錚既1003, A股光線傳媒既發行商, 仲有A股萬達院線/ 1132, 邊隻係最後嬴家?

2. 物管板塊2669
MARKER LEADER 係1778彩生活, 不過市場憧憬一定首選688分柝
既2669, 黎緊有隻中奧到家, 同埋未上市既萬達物業.

下一轉講番美股...除了FACEBOOK LA....

重新投入AH大折讓股!

呢個月開始重新投入AH大折讓股, 有幾個原因


1) 整體宏觀氣氛改善, 近期新股上IPO, 中國11月傾入SDR,
炒股不炒市現象出現
2) 月線圖已經5連陰, 今個月開陽已無懸念.
港股自破22400雙底頸線後, 逐步企上23000點, 指數股企穩下, 近期
多左股仔落镬.
3) A股妖王近期誔生.
本人常常留意A股, 美股, A股熱潮不是單單3400點所反映.
首中首妖股是特力.

 

其他一堆係梅涯吉祥, 上海普天, 係香港上H股係洛玻 ...
又係5連陽 ...
600876 洛玻A股上破$44RMB如入無人之境.

所以AH大折讓概念下.
洛玻, 浙江世寶, 南京熊猫係目標之列.
3隻折讓超過70%...
我係圖表派, 一定選A股準備破頂既洛玻做首選.
第2隻係有深港通概念的浙江世寶 ...

A股究竟係狂牛再開始, 定熊2反彈..
2隻買晒慢慢等

近況更新!

好耐冇上黎更新一下.
港股通比阿公好用用心機吹起, 睇黎25300鑽石頂明天即破, 是否可見新高....?

YEN 低見120-121, 我既日元淡倉對唔足, 應該係講短視地食胡.
忘記策略既重要.
如果唔係, 2014年最屈機, 一定係沽YEN再買日本樓.
進度情況可視乎沽幾多張YEN ... 3:1又得, 5:1又得...

港樓市愈黎愈癲, 我另一半2014年5月買多層細價樓自住, 唔覺唔覺升左15%...
坊間對樓市評論太多, 汪生, 紀生見解獨到...
我只係知自已樓市槓杆已經太高, 部署出左件港收租樓.
套樓換股又好, 換日本樓塊餅又好...
而家有槓杆下收租盤都係得5-6%(計及槓杆下), 相反樓市趺1成,
2層樓都人全個NUM SUM趺足....
太大風險..

起碼, 金股FX應有信心做到年回報15%以上...

2015年始終有危有機, 阿公爭做全球大佬, 老美加息潮.
全球QE磚本位, 商品各國定價通縮潮.

其實, 係咪要開始入實金?

2015年去左睇極光, 極處見到光明吧!

 

 

YEN 趺到114!

日本趺至114!
無限量寬最終會推高資產價格...

暫時果邊房產市場都不算太熱烈, 先部署一下.
可以做..
1) 112要先沽YEN
2) 1開2借日元MORTATAGE

慢慢借日元下趺用實物資產對沖外幣風險

2014年10月更新! (日本樓, 股市, 港樓)

原來已經咁耐冇更新呢個BLOG.
等我寫寫近況, 真係都幾大變化.

先寫日本樓
大阪樓已經收租半件有多, 暫時係個朋友幫忙租管.
YEN由101趺到109, 雖然YEN PUT由101沽到103食左胡.
不過都硬生生蝕左500點子匯率!
出年計劃去多次大板, 看看有冇機會日本做到MORTATAGE1變2.
岩岩5年後迎接2020日本奧運!

港樓
呢1年半租金勁升, 樓價創新高.
成日諗層出租樓駛唔駛食胡?
不過有咩工具好過可以槓桿放大, 銀行低息地每個月收租..
今次傾緊同已經租左4年的租客續租, 差不多加20%.
冇計, 差餉第四季已經冇得減免了.
睇黎層樓係要用實物資產概念渣貨, 忘記最初買入價吧....
通脹睇黎會愈黎愈勁.

美股.
呢排美股已經全面撤出市場.
由DDD, TESLA, SOLAR CITY, JD.COM.
慢慢感到美股的外強中乾, 美匯破85後...
睇黎呢一年由美金上升的破壞潮慢慢浮現..

港股
愈黎愈A股化吧.
只有一堆有長莊的股票仲有得玩, 如1395, 139, 931 呢類大莊股.
其他不提也罷..
倉底只有700, 同300兩隻股票期權倉底.

玩港股, 我玩牛熊仲輸得心服口服..
暫時渣左隻68227 ...
比較遠價小小, 睇長D...

呢個由美匯帶起的搶奪風暴, 正在展開

今日個市-真係做案例

今日個市高抽假突破, 期指低水轉高水.
係近期指結算諗住好友贏到挾上結算.

點知...
下午2點急倒水, 期指轉升為趺, 期指追番低水.
單日轉勢波幅達500點.

本來上星期五渣一套230P馬安博爆邊, 不過得6日成本要140點.
最后都渣JULY230P, 由玩策略變賭方向.

本來渣JUNE 230P/C..成本140點, 今日收330點.....贏190點

自己渣JULY 230P, 成本282點, 今日收540點 .... 贏258點.

雖然策略上係做錯, 因為我賭升IV爆邊...
今次真係有D運仔...

期指依舊低水, 睇黎迫好友玩到結算平倉.....

暫時應該搵216P 做熊跨...

5窮月

5窮月
呢個4月真係出師不利, 幾次出撃都冇功而回, 損兵折將.

暫時回一回氣, 港股真係擔心會長期A股化, 炒家愈黎愈短炒.
整整4個月真係唔敢炒住...
美股新經濟股都係淡底...DDD都穿番50蚊.

睇黎起碼淡到世界杯後!

講講樓市, 個市成日D人話見頂, 我呢排出去睇下盤.
西環, 觀塘, 沙田, 盤荒下根本一貼價盤就比人掃走.
樓市重招下整停個市, 不過同炒股沽空一樣, 冇貨點質低個市....
慢慢用家掃晒呢浸貨, 可能樓市又升番.....

大佬, 學陳生話, 600萬以下都係上車盤, 大把盤比人買啦.
嘩! 講呢D

借位一貼: 全新網上布料/ 輔料平台誕生!

朋友記新做左一個全新網上布料/ 輔料平台誕生.

WWW.GOBETWEEN.ORG


借位幫忙推一下, 給製衣採購設計業於網路平台可以快速搜布, 搜輔料!

而且於搜布功能上也有點下過功夫.

FACEBOOK PAGE --> LIKE " GOBETWEEN.ORG "

3月部署

最近隱隱覺得有點不對勁.
1) RMB急回至79水平, 究竟是否國內壞帳開始有問題浮現 ?

2) 俄國出兵烏克蘭, 北極熊向來硬淨, 而且烏克蘭位置
極具戰略位置, 打仗如箭在即.

3) 股王700 感覺愈黎愈有牛市最後3段感覺.
每破100蚊既時間愈黎愈短, 今次500 -> 600 蚊用左3個月左右.
究竟3月21日業績係見光死定破700蚊 ?
雖然美國科網都係高位, 留意下百度上星期五出完業績後彈唔彈得起..
港股靠股王頂住, 唔係21000點淡友絕對可以攻破..

新加入信義光能#968做中線成員, 業績日1.8試入, $2.1 再加注.
強勢股大漲小回冇蟹貨格.

FNMA 破3.4, 一星期見4.8.
美國果面開始有分析員唱值18蚊, 價值面絕對抵.
問題核心政府肯唔肯比佢回歸私人市場, 而且用咩方法 ?
不是的話, 只係OTC既一張廢紙.

贏同輸, 在於此

2014 馬年初報

2014年都似乎係科網天下.

龍頭為700系 - 700,1668,3888
亞里系 - 241
仲加多隻美國上市既百度
再加埋黎緊大熱既DDD, HIMTEX,
仲有我既核心成員FNMA ...

2014年投資範疇由日本樓, 外匯, 再推出去睇埋美國主力科網股 ... 選股射程應圍住呢D股.

手中241經歷歷練後仲渣住 , 應該慢慢等消息上5蚊...
另外, 6889, 1390 日本孖寶捱價中!不過基本面應可以.
炒多2隻殼股 (唔開名, 3億市值下), 純炒殼既概念

DDD 58蚊撈左底, 78蚊沽晒... 如果有低位會入返D

今日都GROUPON趺差不多2成, 睇你仲有冇得跌先...


FNMA突破3.4見新升浪!

再一次証明!

再一次証明兩件事情. 賺錢依舊 1) 人棄我取 2) 時刻保持現金入貨 今日雖然只係暗盤8.5拎左隻老恆和, 我諗因為大趺市所以高開唔多. 另外, 有好幾隻心水股今朝跌得急, 好似1371, 82, 6889, 8083, 8002 ... 子彈唔多根本唔敢追咁多... 手仲渣左隻241妖股, 唔穿3.54今日低位點都唔走! 1390 睇6蚊幾入貨! YEN 102.X 入射程範圍!

一月短評

本週都係圍住1390, 434, 8002, 82 呢d股短炒. 隻dynam 6889 升級做核心組合成員, 今日確認升軌. Fnma 久攻3.3, 仲未企穩, 真係等q4業績先肯郁... 另外, 早前賣走既1390, 今日又miss chance 8蚊入唔返, 我的第3隻核心成員la ... yen104呢個位上下磨, 層樓成交左, 交埋尾數. 等一個長期沽位近102開沽, 就hedge得靚仔la... 暫時希望先沽一張..... 慢慢做大個倉

1月近況

1月唔駛講都係網股, 支付股, 手遊股既世界 ...
自己1390有貨底, 8002 都係今日AO先追....
今年都係做網股既世界 ...

睇黎全個板塊整固後仲有得去...

隻FNMA震震下上番3.2蚊, 幾好!
加埋隻 6889 NYDAM 做核心持股組合....

日本樓終於買左間樓, 好彩飛一次過大板搞掂.
D YEN 開始係105附近找數, 實質回報近7% 的本町區
現租約至今年底, 買入使費約6%, 操作也需要慢慢一步步摸索
希望食中日本經濟復甦第一步棋...

完成交易後, 會重新沽YEN, 完成日圓下趺組合!

日本大板行

剛剛從大阪回來, 3日睇左60個盤.
有中古房, 事務所, 地鋪, 商場鋪.
位置都係集中梅田至難波中間的正方黃金圈內.

暫時應鎖定一個盤, 尚差一口價.
稅項比想像中高

買賣成本經紀佣要3% +60000 YEN.
真係幾多

每月管理費及積善金要比.....及每年固定資産稅,
如過了某個額, 仲有一個個人稅
扣扣下冇想像中咁高回報

而且魔鬼細節係每次搵新租客的納空租期及成本.
所以雖然有一個15%回報的盤, 最後都打消念頭.

買完樓後下年重新沽YEN

另類投資!

另類投資
呢2個月想想另類投資的可能性.
每日好似賭場咁推推推, 其實個人真係幾浮的.
有幾多隻好似1680, 759 升得咁王道 ?
而且投資市場多做多錯, 要買就買週期低位買.
現家24000點都係炒出炒入, 贏唔到大錢...

所以下半年試下另一個玩法, 暫時未知成效.
不過可以講買既股係超高風險果種, 如FNMA
基本上仲係受政府管治內, 係高風險系數內的投機.

另外, 月中去日本, 考慮日本購房的可能性.
套平息賺高息, 穩中求勝!

11月近況

最迎真係忙忙忙
套用紫微斗數黎講, 叫做粒主星遷移好強.
廣州, 寧海, 上海, 深圳東莞走上走落 ...
慢慢地個人都有時相信命, 呢時呢侯要黎就黎.

好.講番個市.
先做一個假設, 亞里未上市之前個大市唔未玩完.
歐美都仲係試新高, 冇咩理由港股會散, 暫時都係上落市.

維持FNMA持倉分額, 终於守到野股升番到2.8
係1.5加左注, 平均價叫做2.2 ...

其他都係買左D垃圾莊股 943 等等....博倍番.

暫時寫住咁多先, 又要做公司野.

9月更新!

好耐冇作更新了!
呢一個月忙到7彩, 工作/ 炒股/ 小生意/ 及另有一點SIDE BUSINESS 多線發展.
又上左上海幾日, 仲要開始應付黎緊12月澳門既馬拉重.
真係訓到冇咩時間.
不過自我創業得到既滿足感係比炒股來得深刻.

好...講講呢個月動作.
1) 美元好倉敗退
2) 重新買入1076
3) 加注 FNMA
4) 依舊睇好濠睹/ 科網/ 奶粉股...
5) EUR, POUND 強勢中, 港股應唔差得去邊

最尾一季港股/ 中國股市追落後 ?

破23500 應該有突破!
如果未能破位, 該視作橫行市!

美滙急升!

今日8月期結反彈, 本人覺得營做頭肩頂走勢
試沽期指試反應, 細股依舊好有鑊氣
今日睇住隻395 0.22升到0.29冇追, 真激氣
尾巿追1041, 大橫行見第一棍, 應該有後著

732渣多陣，睇下破不破到$5 見新高
1076 走曬，見1.5先諗番
1175，8037 still hold, 垃圾細股倉最多渣3隻

今日700 short 350p 終於變廢紙，不過700 sp 就9月抖下先
暫時套#16 勒束倉仲安全

外滙倉位上, 美𣾀睇下呢轉破不破82.5-82.8, 一破就對辦
另外本能上好想沽金。target 1450 開倉

大戰前的準備

終於比較得閒了, 去了一轉意大利, 加上海寧波走左轉.
物價最貴既都係香港...真係大都會了.


呢幾日吹風打仗, 暫時唔知進展如何.
金價, 油價已經率先反彈抽高..
歐元/ 英磅似見左短期頂, 美匯似有番強勢.

究竟係醒目錢轉碼避險, 定係資金羊群被驅趕 ...
呢D因果問題真係要諗清思維...

仲係渣住美元Call

.另外, 呢排細股真精彩
日日實爆1,2隻
我長渣隻1076終於開車...

仲玩過8037, 82, 732, 1175, 叫做追番1130輸既數目...